Kreu Sociale Aronia, bima me efekte te shumta shëruese

Aronia, bima me efekte te shumta shëruese

66
0

Aronia është një bimë shkurrore e lartë 1.5-3.0 metra, të cilën e karakterizon rritja e bujshme .Megjithatë, me regjimin e rregullt dhe të duhur aronian mund ta karakterizojmë si një drumë të vogël. Karakterizohet me gjethet ovale, me ngjyrë të gjelbër të mbyllët, gjatësia e të cilave është 8 cm, ndërsa gjerësia 5 cm. Gjethet janë në veçanti të bukura gjatë vjeshtës, kur marrin ngjyrë pak më të ndryshme dhe thjesht shkëlqejnë me ngjyrën e vet jashtëzakonisht të kuqe. Megjithatë, në këtë bimë më shumë bien në sy dhe lënë mbresa lulet e saj shumë të bukura të bardha, madhështia e të cilave vjen në shprehje gjatë muajit të majit, kur aronia edhe lulëzon. Megjithatë, edhe pse lulet e saj zgjasin vetëm 5-6 ditë, për shkak të madhështisë së tyre hyn në kategorinë e luleve më të bukura të bimëve të mbuluara me shkurre.
Fundja, për të gjitha këto aronia fillimisht është njohur edhe si bimë me veçori estetiko-dekorative. Ndërsa frutat e saj piqen relativisht shpejt (për 80 ditë), kur nga e kuq janë fund të gushtit marrin ngjyrë vjollcë-të zezë. Frutat piqen në kalaveshë, nuk shpërndahen dhe kanë shije shumë të mirë.
Fryti është kokrra me diametër 1,5 cm dhe peshë 1-1.5 gram. Me fjalë te tjera, aronia klasifikohet në grupin e frutave malore te cilat karakterizohen me rendimente të rregullta dhe të qëndrueshme. Bima është e vetërigjenerueshme, çel tre vjet pas mbjelljes, sjell rendiment prej 10-15 kg për një shkurre, ashtu që produktiviteti i saj zgjat diçka më shumë se 20 vjet.
Përdorimi i frutave të kësaj bime është i shumëfishtë. Janë të njohura efektet e shumta shëruese të frutave të pjekura, të cilat përveç ngjyrës natyrale – antocianinës, përmbajnë edhe vitamina A, B, C dhe minerale që janë të dobishme për qarkullimin e gjakut, të cilat e balancojnë tensionin e gjakut, shërojnë problemet e mëlçisë dhe stomakut, të thatin, migrenën, sëmundjen e sheqerit, arterosklerozën dhe shumë sëmundje te tjera.
Aronia i duron të gjitha kushtet e kultivimit. Kështu në mënyrë njëlloj të suksesshme rritet në zonat kontinentale, sikurse edhe në ato mesdhetare. Njëjtë i përgjigjet dheu i thartë ose i kripur, por relativisht thjesht kultivohet edhe në tokat e varfëra, gurishtore dhe më pak cilësore. Është e dukshme që kjo bimë nuk kërkon kujdes të veçantë, ç’ka në veçanti ka të bëjë me mbrojtjen e saj. Kështu, atë nuk e sulmojnë dëmtuesit, dhe nuk ka as sëmundje të theksuara dhe pa problem mund të rritet pa përdorimin e pesticideve. Në plantacion mbillet në hapësirën 3 x 2 metra, duke dhënë rendimente jashtëzakonisht të larta. Ndërsa nga frutat e saj mund të prodhohen lëngje, komposto, marmelata, e reçelna. Kjo nuk do të thotë që nuk mund t’i konsumoni të freskëta, ashtu që tepricat gjithmonë mund t’i thani ose grini.
Jeto Gjelbër

Loading...

PËRGJIGJU

Please enter your comment!
Please enter your name here