Kreu Aktualitet SHBA: Të inkurajuar nga përparimi në luftën ndaj krimit

SHBA: Të inkurajuar nga përparimi në luftën ndaj krimit

69
0

“Qeveria e SHBA qëndron e gatshme për të punuar me partnerët tanë shqiptarë”, u shpreh sot Ambasada e Shteteve të Bashkuara të Amerikës nëpërmjet një deklarate për shtyp.

“Përgjatë muajve të fundit, jemi inkurajuar nga përparimi që kemi parë në luftën kundër krimit të organizuar dhe korrupsionit në Shqipëri – rezultat i drejtpërdrejtë i punës së bërë nga autoritetet shqiptare, veçanërisht oficerëve të policisë dhe prokurorëve, të cilët luftojnë për drejtësi të vërtetë për të gjithë shqiptarët”, thekson Ambasada e SHBA.

Ambasada shton se “ka ende punë për të bërë dhe presim që këto përpjekje jo vetëm të vazhdojnë, por edhe të shtohen”.

Më tej, Ambasada e SHBA thekson se “një Ministri e Brendshme plotësisht funksionale është një element kyç për të siguruar vazhdimësinë e këtyre përpjekjeve dhe rezultateve të deritanishme”.

“Qeveria e SHBA qëndron e gatshme për të punuar me partnerët tanë shqiptarë. Ne do të ofrojmë asistencë kudo që të jetë e mundur për të ndihmuar mposhtjen e krimit të organizuar e korrupsionit, për të vazhduar përparimin e reformës në drejtësi, dhe për të siguruar sundimin e ligjit për popullin shqiptar”, deklaron Ambasada e SHBA.

PËRGJIGJU

Please enter your comment!
Please enter your name here