Kreu Aktualitet Investimet që po transformojnë Fierin

Investimet që po transformojnë Fierin

283
0

Kryeministri Rama ishte në Fier ku inspektoi punimet për rikonstruksionin e segmentit të dytë të rrugës Mujo Ulqinaku dhe segmentit të parë të rrugës Jakov Mile. Kryeministri, i shoqëruar nga kyebashkiaku i Fierit Armando Subashi inspektuan edhe punimet për rehabilitimin e lumit Gjanica, e cila po i sjell gjallëri qytetit duke e transformuar nga një zonë të harruar mbushur me plehra në një ndër zonat më të gjelbra të qytetit.
Rikonstruksioni i rrugës Mujo Ulqinaku dhe asaj Jakov Mile, pjesë e unazës së qytetit, do t’i shërbejë më shumë se 35.000 banorëve të këtij qyteti. Fasadat e ndërtesave do të restaurohen dhe unifikohen duke i dhënë një pamje të re kësaj zone. “Projekti është i plotë, me korsi bicikletash, me ndriçim. Ky është më shumë si një aks për qytetin sesa si unazë, se këtu nuk lejohen makinat e rënda. Kjo e lehtëson shumë trafikun. Mendojmë që do japi një zhvillim shumë të madh edhe bizneseve. Nuk është se thjesht po bëjmë diçka të bukur, por do ketë dhe impakt shumë të madh nga pikëpamja ekonomike dhe e zhvillimit të bizneseve”, – u shpreh kryebashkiaku i Fierit.
Punimet në këtë aks, pavarësisht vështirësive tē shkaktuara nga pandemia e coronavirusit, kanë vazhduar, ndërsa drejtuesi i projektit shprehet optimist për përfundimin në kohë të kësaj nyje të rëndësishme që i jep vlerë gjithë kësaj pjese të qytetit.
Ndërkohë, fytyra e re e lumit Gjanica tashmë do të jetë një atraksion më shumë edhe për vizitorët gjatë stinës së verës. Edhe bizneset në këtë zonë tashmë do të marrin një hov ekonomik, ndërsa një tjetër aspekt pozitiv i kësaj ndërhyrjeje është edhe shmangia e përmbytjeve sa herë që lumi Gjanica dilte nga shtrati.

PËRGJIGJU

Please enter your comment!
Please enter your name here

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.