Kreu Aktualitet Lungomare 2, një plazh urban i klasit të parë

Lungomare 2, një plazh urban i klasit të parë

365
0

Vlora turistike po pasuron resurset e saj tërheqëse bregdetare me investime që synojnë të transformojnë plazhin natyral buzës së detit në një plazh urban të klasit të parë për vlonjatët e për turistët.
Kryeministri Edi Rama inspektoi punimet që po kryhen për fazën e dytë të Lungomares në këtë qytet, ku veç rehabilitimit të shëtitores përgjatë gjithë vijës bregdetare do të krijohet një plazh i ri natyral, të cilit pritet t’i shtohen edhe dy pishina publike, një olimplike e një për fëmijë, parkim, si dhe shërbime të tjera për thithjen e sa më shumë vizitorëve.
“Do bëhet plazhi më i bukur i Vlorës. Do jetë si Jala. Plazh me 5 yje,” u shpreh ndër të tjera Kryeministri Edi Rama.
I gjithë plazhi pritet të shtohet me rreth 630 metra gjatësi vijë bregdetare që mund të frekuentohet masivisht duke nisur nga sezoni i ardhshëm.
“E gjithë zona do të ketë nënkalime me tunele për të gjithë pushuesit,” u shpreh kryebashkiaku i Vlorës, Dritan Leli.
Përgjatë të gjithë shëtitores së re do të ndërtohet një mur i ri mbajtës buzë shkëmbit, si dhe shkallare që do të shërbejnë për një akses më të lehtë të bregut të detit.

PËRGJIGJU

Please enter your comment!
Please enter your name here

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.