Kreu Aktualitet Urdhër për punonjësit mjedisorë

Urdhër për punonjësit mjedisorë

842
0

Megjithë politikat dhe strategjitë e qeverisë për të pastruar Shqipërinë, duke reduktuar në masën 70% importimin, tregtimin dhe përdorimin e qeseve plastike; duke mos lejuar importin e automjeteve me mbi 10 vite përdorim; duke përmirësuar vendgrumbullimet e mbetjeve urbane; mbylljen e atyre ilegale apo mbylljen e guroreve, ministri Klosi thotë se Shqipëria vazhdon të jetë e papastër. Për ministrin, sfida për turizëm më cilësor me më shumë standarde lidhet edhe me një mjedis të pastër, për këtë arsye ndërhyrja në 18 industri është sukses i padiskutueshëm i qeverisë, që do të vijojë me zbatimin e projektit Clean&Green, për një Shqipëri ambjentale brenda 2020-s. “18 shkaqet për ne janë që nga mënyra e menaxhimit të mbetjeve urbane, problematikat e papastërtive të mëdha, si industritë e guroreve, industritë e minierave apo të përpunimit në Shqipëri. Jemi përpjekur të ndryshojmë diçka tek të gjitha problematikat që ka sistemi në vendin tonë, siç është vendimi i qeverisë për automjetet, si ndotësit kryesor në vendin tonë. Sot, në Shqipëri kemi 70% qese më pak të përdorura, kjo do të thotë më shumë pastërti, një trajtim krejt ndryshe i vend depozitimit të mbetjeve urbane. Pra, vendosja e një rregulli do na ndihmojë të kemi një system shumë më të mirë strukturuar, po ashtu kemi nevojë të kemi një hartë të menaxhimit të mbetjeve urbane për të gjetur mënyrën sesi ti rehabilitojmë këto mbetje urbane”, tha ministri Klosi, gjatë një bashkëbisedimi me akademikë, profesorë, inxhinierë dhe të rinj, që kanë zgjedhur të investohen në fushën e mjedisit, në universitetin Politeknik të Tiranës. Mes pyetjesh dhe përgjigjesh, ministri Klosi u bëri studentëve propozime konkrete: Që temat e diplomave të studimeve master të ndërlidhen me nevojat e ministrisë së Turizmit dhe Mjedisit për studime ekspertize jo vetëm në terren dhe që studimet doktorale të orjentohen tek problematikat aktuale të mjedisit në vend me kërkesa konkrete edhe për ndërhyrje në legjislacion, por jo vetëm! “Ka ardhur koha që Shqipëria të ketë një urdhër për punonjësit mjedisor. Ka ardhur koha që ne të mbrojmë edhe veten tonë, edhe politikat që ne ndërmarrim nëpërmjet grupeve të strukturuara të ekspertëve”, tha ministri Klos, i bindur se politikat e duhura kanë nevojë për njerëzit e duhur.

Fjala e ministrit Klosi:  

18 shkaqet për ne janë që nga mënyra e menaxhimit të mbetjeve urbane, problematikat e papastërtive të mëdha, si industritë e guroreve, industritë e minierave apo të përpunimit në Shqipëri. Jemi përpjekur të ndryshojmë diçka tek të gjitha problematikat që ka sistemi në vendin tonë, siç është vendimi i qeverisë për automjetet, si ndotësit kryesor në vendin tonë. Sot, në Shqipëri kemi 70% qese më pak të përdorura, kjo do të thotë më shumë pastërti, një trajtim krejt ndryshe i vend depozitimit të mbetjeve urbane. Pra, vendosja e një rregulli do na ndihmojë të kemi një system shumë më të mirë strukturuar, po ashtu kemi nevojë të kemi një hartë të menaxhimit të mbetjeve urbane për të gjetur mënyrën sesi ti rehabilitojmë këto mbetje urbane. Ka ardhur koha që Shqipëria të ketë një urdhër për punonjësit mjedisor. Ka ardhur koha që ne të mbrojmë edhe veten tonë, edhe politikat që ne ndërmarrim nëpërmjet grupeve të strukturuara të ekspertëve”, tha ministri Klos, i bindur se politikat e duhura kanë nevojë për njerëzit e duhur.

PËRGJIGJU

Please enter your comment!
Please enter your name here

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.